Badam ke Faide Almond Benefits Urdu Roghan Badam Shirin Oil

Badam Health Benefits: Medical experts ke mutabiq almond oil health ke liye behtareen hai. Chehre par badam ke oil ki malish se chehra fresh nazar anay lagta hai. Ye tareeqa mazi mein bohat maqbol tha. Sub se pehle chehre ko milk mein bheege cotton se saaf karain, safai ke doran is baat ka khayal rakhain ke ragar na zayada halki ho aur na zayada tez darmiyani dabao rakhain. Ab neem garam roghan badam mein arq-e-gulab ke chand qatre shamil kar ke chehre par massage ke andaz mein halki halki malish karain aur ye amal 5 minute tak jari rakhain. Is tarah chehre ki warzish bhi ho jaye gi aur chehre par nazar ane wali wrinkles bi ahista ahista khatam ho jayain gi. Jild bhi haseen aur young rahe gi.

Badam mashoor mewa hai aur sub log isay shoq se khate hain. Qadeem zamane se is ki kasht ki ja rahi hai. Urdu, Persian aur Hindi mein badam hi ke naam se mashoor hai. Par english mein isay Almond kehtay hain. Badam uganay wale mulkon mein Pakistan bhi shamil hai badam ki kasht quetta, kalat division mein zayada ki jati hai.

Almond Milk

Types: Almond ki 2 types hain. Aik talkh aur dusra meetha. Almond tree amooman 20 se 25 foot tak aur kayi dafa is se bhi zayada lamba hota hai. Almond Leafs uper se choray aur nechay se tang aur gunjan dane dar hote hain. Fruit jub kacha hota hai tou green color ka hota hai. Andar ki giri mazay mein mamooli si khati hoti hai. Jub phal pak jata hai tou uper ka chilka phat kar alehda ho jata hai aur guthli asani se mikali jati hai. Jismani kamzoori ke liye badam bohat mufeed hai.

Ye khoon paida karta hai is ka mazaj garam tar hai. Dimaghi kaam karne walon ke liye anmool tohfa hai. Brain aur eyes ko taqweeyat deta hai. Kanon mein awazain anay lagain tou Almond oil ke chand qatre dalne se takleef door ho jati hai. Badam khane se taqat ati hai ye pure badan ki khushki ko door karta hai. Parhne wale bachon ko badam zaroor khilane chahiyain.

Health: Woh young girls aur boys jo kamzor sehat ke hon un ko chahiye ke 12 badam aur 12 gram Kishmish raat ko pani mein bhigo dain aur subah uth kar kha lain. Is se jismani kamzori door ho gi aur health bhi theek rahe gi. Badam ke phool bare khoobsurat hote hain white flowers mein red color bohat pyara lagta hai. Isay soonghne se dil aur dimagh mein farhat ka ehsas hota hai.

Beauty: Karway badam jild ki bimariyon ka shafi ilaj samjhe jatay hain, khas toor par eczema treatment mein, is maqsad ke liye karway badam lay kar unhain pees lain us mein thora sa pani pani aur cream bhi milayain, ameeza tayar karne hone par usay mutasira hison par lagayain, is ke ilawa almond khawateen ki khubsurati mein bhi aham kardar ke hamil hain. Agar aap ke chehre par pimples hain tou badam un pimples ko khatam kar ke jild ko aur bhi beautiful bana detay hain.

Hamare haan kaghazi badam famous hain. American almond ki giri bari aur meethi hoti hai. Kandahari badam aur Irani almond bhi bohat pasand kiye jate hain. Meethay aur karway badamon ke darakht alehda alehda hote hain. Hamare haan kathay badam ki giri mein khubani ki giri aur karway badam mila diye jate hain youn adhay se zayada almonds karway nikalte hain.

Winter Season: Sardi ke mausam mein is ka istemal kiya jaye tou nazla nahin hota. Jin logon ki kamar mein dard rehta ho unhain chahiye ke raat ko sotay waqt baqaidgi se kamar par roghan badan ki malish karwain aur apni ghaza mein is meway ko shamil karain. Khushk kharish ke liye bhi is ka istemal behtar hai. Is ki rozana malish se kharish door ho jati hai. Raat ke waqt malish kijiye. Is ke khilkon ka tail red colour ka hota hai ye oil safaid dhabon aur daghon par malne se un ko door karta hai.

Badam ki barfi bhi banti hai. Doodh mein isay pees kar milatay hain, khoya ban jaye tou isay jama kar pista aur badam kaat kar uper lagate hain. Isi tarah badam kay paray bante hain, aur ye mithai mein bhi istemal hota hai.

Galay Mein Balgham: Bohat se log galay mein balgham ki shikayat karte hain aur din bhar khankar kar gala saaf karte hain is ko nazla bhi kehte hain. Aisay log rozana subah nahar munh badam 5 adad kali mirch 3 adad ke sath khoob chaba kar kha liya karain. Jo log ye amal apni zindagi ke aghaz se mamool bana laitay hain. Woh dimaghi aur asabi kamzori se mehfooz rehte hain aur unhain balghi amraz aur nazar ki kamzoori nahin hoti.

Khushk Khansi Aur Galay Ki Kharash: Khush khansi aur gale ki kharash wale log badam ko namak laga kar chaba kar khaya karain tou faida ho ga.

Neend Na Ana: Aksar logon ko zehni intishar ya dimaghi khushki ke sabab neend nahin ati jis se asabi tanao paida ho jata hai. Dimaghi kaam karne walon, dimaghi khushki ka shikar aur is sabab neend na anay walon ke liye bhi ye mufeed samjha jata hai.

Students Ke Liye: Jo talib ilm parhte hain magar unhain yaad nahin rehta tou aisay talba ko daily 7 badam taza pani mein raat bhigo kar subah cheel kar kha laina chahiye.

Roghan Badam Shirin: Badam ka roghan bhi kasheed kiya jata hai jo medicines jese asrat rakhta hai. Ye roghan anton ki khushki ko door karta hai. Jism ko tawanai deta hai, neend lata hai.

Wazan Barhana: Woh naujawan jin ka wazan apni umar aur qad ke mutabiq kam ho woh maghaz badam meethay 10 adad, kishmish sabz 2 tolay lain aur inhain raat ko fresh water mein bheego diya karain subah badam cheel karkishmish ke sath chaba kar kha lain aur 1 glass milk pee liya karain ye amal 2 months ka hai isay musalsal kiya jaye wazan barh jaye ga aur  health achi ho gi.

Dimagi Taqat: Brain Power: Jo log dimaghi kaam karte hain maslan study karte hain, journalist hain ya accounts ka kaam karte hain. Amooman dekha gaya hai ke likhne ke baad ya duty khatam hone par jub uthne lagte hain tou sar mein chakar atay hain. Eyes ke samne andhera cha jata hai aur kisi cheez ka sahara lay kar uthtay hain jis ki wajah dimaghi kaam ki kasrat se dimaghi kamzori hoti hai aisay log rozana 10 adad maghaz badam shirin khoob chaba liya karain.

Kalonji Benefits in Urdu Black Cumin Kalonji Seeds Oil For Health

Kalonji Ke Faide: Kalonji aik aisi buti hai jo ghaza bhi hai aur dawa bhi.  Kalonji main bohat sare amraz ka ilaj mojood hai. Bunyadi toor par Kalonji aik famous plant ke seeds hain. Is ka plant saunf ke plant se khuch mushabhat rakhta hai. Ye kalonji plant height mein taqreeban 45 cm tak hota hai. Is ke flowers ka colour blue hota hai aur shakhain bareek aur phalyan lambi hoti hain, Kalonji ke faide bohat zayada hain. Kalonjo ko english mein black caraway aur black cumin kehtay hain. Agar rozana ki ghaza mein is ka istmal kiya jaye tou bohat soodmand hota hai. Achar ki tayari mein bhi kalonji isi maqsad ke teht dali jati hai.

Kalonji Seeds Black Cumin Seeds

German scientists ne is kocancer mein bhi mufeed qarar diya hai. Tehqeeqat ke mutabiq ye anton ke sartan ko theek karti hai. Beroni toor par is ko sard amraz main bhi use kiya ja sakta hai. Nazla, zukam mein sirf is ke soonghne se faida hota hai. Is maqsad ke liye kalonji 2 gram, noshadar aur soonth do do gram ka safoof bana kar aik potli banayain, jis ko soonghne se naak ki bandish khatam ho jati hai.

Kalonji saans ke amraz mein bhi faiday deti hai, kalonji ke fawaid kitne zayada hain is ka andaza Hadith se hota hai. khasoosan dama ke amraz mein tou hairat angaiz toor par benefit pohanchati hai. Black cumin pait ke keeray halak karne ka behtareen zariya hai. Pait ke keeray kisi bhi kisam ke hon, is ka istmal bohat mufeed hai.

Qadeem zamane mein balon ki khubsurati par bohat zoor diya gaya hai. Kalay ghane aur chamakdar baal har aik ke liye pur kashish rakhte hain. Is ke use se hairs girna ruk jate hain. Is maqsad ke liye kalonji ko khoob bareek pees kar khuch dair balon ki jaron mein achi tarah laga rehne dain. Baad mein neem garam pani se dho lain. Kalonji hairs ke liye aik tonic ka kaam karti hai.

Chehre ke keel mahason ki shikayat mein bhi black caraway faidamand hai. Is ki sirka mein pees kar raat ko chehre par lagaya jaye aur subah dho liya jaye. Sirf chand days mein is nushkhay par amal karne se mahasay khatam ho sakte hain.

Qudrat ne hamain bohat tuhfay diye hain jin ko use kar ke hum khatar khawa nataij hasil kar sakte hain. Jitna hum asli aur qudarti cheezon se qareeb hon gey utna hi un se bharpur istifada kar payain gey. Malik-e-Kainat ki di hoi naimaton ko bharpur tareeqon se istmal karain, in ka faida uthayain aur Allah ka shukar ada karte jayain.

Health Benefits of Mango Urdu Mango Milkshake Aam Ke Fawaid

Benefits Of Mangoes in Urdu: Aam yani Mango fruite aik nahayat khush zayeqa aur lazeez fruite hai aur koi kitna bhi khud ko kyoun na rook lay lekin jub aam samne hon tou ye mumkin hi nahin rehta ke usay khaya na jaye. Mango paidawar aur raqba ke lihaz se Pakistan mein dusre number par aata hai aur taqreeban 160 hazar hectares area par kasht kiya jata hai. Punjab aur singh ki aab-o-hawa mango ki kasht ke liye bohat mozoon hai jab ke dunya bhar main mango kipaidawar main baresagheer pehle number par hai. Isay Aam ka ghar bhi kehtay hain kyoun ke yahin se mango pure world main mutarif howa. Aam ki paidawar main India sub se agey jub ke Pakistan ka number 5 hai. Mango ki baramad ke hisab se Pakistan ka shumar dunya ke chothay bare mulk main shumar hota hai. Zaiqay, taseer, rang aur bohat sare fawaid ki wajah se Aam aik hairat angaiz phal hai, jisay qudrat ke anmol tohfon mein shumar kiya jata hai, Youn tou is ki bohat sari qismain hain par aam toor par 2 iqsaam aham hain aik takhmi aur dusra qalmi.

Pakistani Mangoes

Taste ke sath sath mango ke bohat sare benefits bhi hain. Lu lagne ki surat main kachay pakay Aam ko garam rakh mein paka kar us ko pani aur shakar mein daal kar sharbat tayar kar ke use kiya jaye tou foran araam ajata hai.

Jin bachon aur baron ko study ke doraan yaad karne aur tawaja karne mein mushkil paish aati hai woh mango ka istmal karain is se cheezon ko yaad karne mein asani paida ho jati hai. Mango ke andar Glutamine Acid mojod hota hai jo ke yaadasht ko teez karta hai aur khulyaat ko mutehrik karta hai.

Chehre par keel mahason aur chaiyon ke liye mango ka use bay had mujarab hai. Aam ke nahayat bareek kashay kaat kar us ko face par 10 to 15 minutes ke liye rakhain aur us ke baad halke se garam pani se munh dho lain aap apne chehre par aik behtar tabdeeli mehsoos karain gey.

Mangoes main aik kaseer tadad main iron mojood hota hai. Woh log jin main khoon ki kami ho un ko apne khane ke sath Aam zaroor istmal karna chahiye. Sugar ke patients ke liye bhi mango nuqsan deh nahin balkeh faida mand hain kyoun ke ye bimari ke khilaf quwat madafat barhata hai na sirf Aam balke us ke patay bhi is bimari mein bohat fayeda mand hain. Raat ko sonay se pehle 10 se 15 Aam ke patay lain aur un ko garam pani mein daal kar thora sa nichorain. Subah uth kar pee lain aur baqaedgi se karain.

Aam mein aik bari quantity mein Antioxidants mojod hotay hein lihaza agar Aam ka istmal baqaedgi se kiya jaye tou us se jism main cancer aur dil ke arzon ke khilaf quwat-e-madafat paida ho jati hai.

Aam ke use se girti hoi nazar bhi bahal hoti hai kyoun ke us mein Vitamin A bakasrat paya jata hai jo ke ankhon ki sehat aur nazar ke liye behad mufeed hai. Ye raat ke andhepan se bhi bachata hai aur us ke ilawa eyes se behtay howe pani aur kharish ko bhi rokta hai. Jin logon ka weight bohat kam ho aur woh apna wazan barhana chahte hon un ko chahiye ke Aam ka zayada istmal karain.

Carrot Benefits Urdu Gajar Ke Fawaid Carrot Juice Gajar

Carrot Benefits In Urdu: Gajar bari famous vegetable hai jisay bare shoq se khaya jata hai. Gajar woh sabzi hai jo phalon main shumar ki jati hai mojuda door main yepakane aur kachi khane aur achar banane ke ilawa gajar ka juice bazaron main aam farokht hota hai ye aik jar hai  jo sabzi ban jati hai carrot ki 3 types hain.

1. Safaid
2. Surkh
3. Sharbati

Isay batoor salan aur salad 2 tarah se khaya jata hai. Kachi gajar bhi tasty hoti hai. Gajar ka halwa bhi behtareen banta hai aur agar is main zafran daal diya jaye tou ye aur bhi mazedar ho jata hai.
Surkh zard aur kali gajrain aam toor par bazaron main dastyab hain. Urdu, punjabi, gujrati aur hindi zuban main isay gajar kehtay hain. Pashto aur bangla main gazar aur english main carrot aur latin zuban main daueus  carota kaha jata hai. Pakistan aur India main iska istmal sadyon se kiya ja raha hai. Isay kacha bhi khaya jata hai aur paka kar bhi. Ye har tarah se health ke liye mufeed hai.

Gajar Ke Faiday: Is main (Vitamic B, C), Iron, Lime, Phosphorus, Starch, Glucose wagera ajza paye jatay hain. Is liye jism ki tameer aur parwarish aur qayam sehat ke liye ye mufeed tareen sabzi hai. Experiments se waziha howa hai ke chunay ke jis qadar ajza rozana jism se kharij hote hain woh gajar se hasil ho sakte hain. Is ka mizaj garam tar hai. 2 - 3 hours main hazam ho jati hai. Gajar khane se jism ko itni ghazait mil jati hai jo aik waqt ke khane ke barabar hai. 100 gram carrots main 25 harare (Enzymes), 1 gram (Protein),  6 gram nashasta aur 3 gm (Fibre) paya jata hai 12000 micro gram keratin (woh protein jo baal banata hai) bhi hoti hai jo badan main ja kar Vitamin A ban jati hai.

Gajar har jagah asani se milti hai, qudrat ne is sabzi main bohat fawaid jama kar rakhe hain lekin hum main se aksar log in se bay khabar hone ki wajah se gajar ke fawaid sepri tarah faida nahin uthate balkeh khuch log tou gajar ka salan ka naam sun kar hi munh bigarne lagte hain. Experts ke mutabiq gajar main rangat main nikhar paida karne aur jild ko nayi dilkashi dene ki khasiat mojod hai. Ye khoon saaf karne aur skin ko surkhi mayel karne main bohat aham kardar ada karti hai. Lihaza apni rangat nikharne aur dilkashi main izafe ki khawahish mand khawateen ko ye vegetable kasrat se use karne chahiye. Khasusan isay bhaap ya pani main boil kar ke use kiya jaye tou jild main kafi had tak dilkashi aur nikhaar paida ho jata hai aur is ke muqable main qeemti face creams bhi aisa jadu asar nahin dikha sakti. Aaj kal bazar main chinese carrots available hain jinhain ubaal kar istmal main laya jata hai. Garmiyon main womens chinese dishes zayada banati hain un khanon main gajron ka istmal kasrat se kiya jata hai warna khane ka sawad adhura hi rehta hai.

White Salt Benefits In Urdu Safaid Namak Ke Faide

Namak Ke Fawaid Aur Nuqsanat: Tandrusti ki hifazat zindagi ki baqa aur khane ko lazeez banane ke liye namak ghaza ka aik zaroori juz hai. Har qisam ka masala dala jaye tou ghaza bilkul bad mazah aur pheeki aur bekaar ho jati hai. Mukhtalif tajarbat se sabat howa hai ke ghaza mein namak shamil karna behad zaroori hai kyoun ke ye hazmay ko barhata hai, bhook lagata hai, garam khushk aur qabz kusha hai. Quwwat-e-hazam ke liye mufeed hai, is ke ilawa namak khati dakaron ko rokta hai, bad hazmi aur pait ke dard ko door karta hai.

Agarcheh namak khoon ka aik zaroori juzu hai phir bhi is ka bakasrat istemal muzhar-e-sehat hai. Zayada khane se marz sartan, basarat mein kharabi aur nuqs paida karta hai. Is liye isay moatdal maqdar mein instemal karna chahiye. Ye amar tehqeeq shuda hai ke amraz-e-chashm mein namak ka istemal nahayat muzhar hai. Taqreeban 2400 miligram namak aik moatdal maqdar hamari ghaza mein tasawar ki jati hai. Lekin hum mein se beshtar is maqdar se kahin zayada namak apni rozana ki khoraak mein istemal karte hain. Namak ko kaan se nikalne ke baad factories mein khane ke qabil banane ke liye shafaaf bayaya jata hai aur safai suthrai ke mukhtalif marahil se guzara jata hai takeh is mein sodium chloride aur dusre mufeed ajza hi baqi reh jayain. In dusre ajza mein calcium silicate aur dextrose shamil hain. Jahan namak hamare jism mein mukhtalif kaam sar anjaam jese electrolyte ki maqdar ko matwazan karne ke liye zaroori hai wahin is ki zayada maqdar jism ko mukhtalif bimariyon se do char karne ka bhi sabab banti hai.

Pani Ki Maqdar: Khoraak mein namak ki zayada maqdar hamare jism mein mojood bafton mein pani ki maqdar ko barha deti hai. Jub jism mein namak ki maqdar aik khaas tanasab se barh jati hai tou khuliye apne andar mojood pani ki maqdar ka akhraj zayada kar dete hain ta keh sodium ki zayada maqdar ko tehleel kiya ja sake. Is tarah se pani bafton mein hi thehr jata hai kyoun ke jism pani aur namak ki maqdar ko matwazan karne par karfarma hota hai.

High Blood Pressure: Khuch logon ke jism mein hign blood pressure ke hone ke zayada imkanaat paye jate hain aur ye morosi bhi ho sakte hain. Lihaza khane mein namak ki zayada maqdar aisay logon ke liye blood pressure jese deegar masayel mein izafa kar sakti hai. Lihaza aisay logon ko chahiye ke apni ghaza mein namak ke istemal aur maqdar par kari nigah rakhain. Jub khoon mein fashaar paida hota hai tou dil ka hamla heart attack, falij jesi bimariyon ka khatra aur zayada ho jata hai kyoun ke high blood pressure mein dil par khoon ke bahao ka dabao bohat zayada ho jata hai aur doran-e-khoon buri tarah mutasir hota hai.

Gurda Ke Amraz (Kidney Problem): Kidney sodium chloride ki zayada maqdar se sub se zayada mutasir hota hai. Namak ki be tahasha khoraak mein maqdar aur bohat se degar jismani amraz ka mojab banti hai aur dheere dheere hamara jism mukhtalif jaan lewa aur mohlik bimariyon ki list mein aa jata hai. Is liye tamaam ajza ko munasib maqdar mein istemal kiya jaye takeh aik sehat mand khushgawar zindagi guzari ja sake.

Zaitoon Oil Benefits Urdu Olive Oil Zaitoon Ke Fawaid Zaitoon Ka Tail

Zaitoon Oil Benefits Urdu - Zaitoon yani Olive Oil sehat ke mamlay mein kitna aham hai is ka andaza aap ko andaza tab ho ga jub aap is ka istemal karain gey. Is ke tree ke tamaam ajza bhi karamad aur shafa bakhs hain. Quran Majeed main 6 muqamat par isay achay namon se yaad kiya hai, Aik muqam par tou Allah ne zaitoon aur anjeer ki aik sath 6 qasam khai hai. Ye paak saaf aur mubarak hai is main 70 bimariyon ke liye shafa hai jin main aik bawaseer hai.
Tareekh alam ki haseenayain bhi roghan zaitoon ka bohat zayada istmal kiya karti thien. Aaj bhi france ki aurat ki jild angreez auraton se zayada tar-o-taza aur dil kash nazar ati hai. Is ki wajah ye hai ke France ki aurat jism aur chehre par olive oil ke massage ke sath usay apne khane main bhi use karti hain.

Aik tehqeeq ke mutabiq woh log jo khanon main salad ke zariye zaytoon ka tail istmal karte hain woh dimaghi doray ke khatre se kam dochar hote hain. Is tehqeeq ke liye France ke citizen par 5 years tak tehqeeq jari rakhi gayi.

Olive Fruite and Leaves

Zaitoon ka darakht european countries main kasrat se paya jata hai. ye tree 9 meter se 10 meter lamba hota hai. Is ka phal pakne ke baad dabane se us main se tail nikalta hai. Chotay bachon ko har roz agar olive oil ki malish ki jaye tou jism ki hadiyon main mazbuti aur jild mulaem rehti hai. Spain main aik kahawat hai ke zaitoon ka tail har bimari ki dawa hai. Agar isay sar main laga liya jaye tou ye baal girnay se rokta hai. Ankhaon main laga lainay se pani band ho jata hai isi wajah se is ka shumar khush naseeb phalon main hota hai.

Agar aap ke nails aur cuticles kharab ho gaye hain aur fingers ke nails bhi asani se tootne lagte hain tou s ke liye 1 cup main zaitoon ka oil dalain aur apni ungliyon ke nakhun ko us cup main thori dair ke liye dooba rehne hain. Us ke baad chand days ke use se apne nails na sirf tootne se mehfooz rahain gey balkeh nakhonon ke paas ji skin saaf sur chamakdar bhi ho jaye gi.

Khushk aur phatay howe honton se chutkara pane ke liye aap olive oil ki thori si maqdar ko raat ko sone se pehle apne lips par lagayain is se apne hont pur kashish aur khubsurat nazar ayain gey.

Zaitoon ke tail ko sar ke balon ki jild aur hairs par achi tarah laga lain aur apne balon par plastic ki bay rang topi charha lain. Phir half hour ke baad kisi ache shampoo se hairs ko wash kar lain is se aap ke baal pur ronaq, khushki se pak aur reshmi ho jayain gey.

Apne hathon ko narmi bakhsne ke liye hathon par ahishtgi ke sath massage karain. Is se apne hands na sirf soft aur beautiful ho jayain gey balkeh aap ke hathon ke masamon ko bhi sakon pohanche ga.

Bath tub main thori maqdar main zaitoon ka tail daal kar nahane se aap ki jild din bhar naram aur mulayem rahe gi. Aap zaitoon ke tail ko malmal ka kapra ya kapas par laga kar apne chehre ke make up ko easily saaf kar sakti hain.

Balon ko shampoo karne ke baad barabar maqdar main zaitoon ka tail aur water mix kar lain aur hairs main 5 minute ke liye achi tarah laga kar massage kar lain. Phir shampoo kar ke balon ko achi tarah dhoo lain is se na sirf aap ko balon ki khushki se nijat mil jaye gi balkeh ye amal aap ke hairs ko ghana karne main bhi helpful sabat ho ga.

Aik plastic ke bartan main zaitoon ka tail dalain phir us main munasib maqdar main namak aur cheeni daal kar usay achi tarah mix kar lain aur phir us amaizay ko apni jild par laga kar batoor Body Scrub jild par massage karain. Is se aap ki jild ko ranai milay gi aur haseen ehsas bhi mehsoos ho ga.

Aap ke chehre ki jild par agar jhuryan nazar anay lagain tou ye baat aap ke liye bohat preshan kun sabat hoti hai. Lihaza face se jhuryon ke khatmay aur apni jild ko pur kashish banane ke liye sham ke waqt baqaedgi ke sath zaitoon ke oil ki thori maqdar apni hatheli main lay kar uska massage karain.

Kapas ya malmal ke kapre se olive oil ko eyes ke gird lagane se ankhon ki badnuma jhuryan door ho jati hain. Lekin zaytoon ka tail ko aankhon ke hison par lagate howe ahtyaat bartain takeh us se aap ki ankhon ko koi nuqsan na bohanche aur aap zayada arsa jawan nazar ayain.